Хитойда COVID-19 коронавирус инфекциясига қарши бурун учун спрей кўринишида ишлаб чиқилган вакцинанинг клиник синовларини ўтказишга рухсат берилди. Бу ҳақда Гонконг университети баёнотига таяниб, Sinxua агентлиги хабар берган.
Қайд этилишича, вакцина Гонконг университети лабораторияси, Сямэнь университети ва Beijing Wantai Biological Pharmacy компанияси ҳамкорлигида ишлаб чиқилган.
Агентлик ахборотига кўра, бу COVID-19 коронавирус инфекциясига қарши бурун учун спрей кўринишидаги биринчи вакцина. Дорининг одамлар иштирокида синовдан ўтказилишига Озиқ-овқат маҳсулотлари ва дори воситалари назорати бўйича давлат бошқармаси рухсат берган.
Аввал China National Biotech Group компанияси Хитойда ишлаб чиқилган COVID-19 коронавирус инфекциясига қарши 6 та вакцина клиник синовлар босқичида эканини маълум қилганди.
Шунингдек, 7 сентябрда Sinovac Biotech ва Sinopharm компаниялари томонидан яратилган вакциналарнинг намуналари Пекиндаги кўргазмада намойиш этилган.
Хитойнинг Anhui ZhifeiLongcom Biopharmaceutical компанияси Ўзбекистонга коронавирус вакцинаси синовларида қатнашишни таклиф этган. Ўзбекистонда Россия ёки Хитой вакцинасини харид қилиш масаласи муҳокама қилинаётгани ҳақида хабар берилган.
Изоҳ (0)