Ўзбекистон—Қирғизистон чегарасида 8 сентябрь куни соат 20:04 да ер силкиниши кузатилди. Бу ҳақда Фавқулодда вазиятлар вазирлиги Сейсмопрогностик мониторинг маркази хабар қилди.
Маълум қилинишича, 8 сентябрь куни Тошкент вақти билан соат 20:04 да Ўзбекистон—Қирғизистон чегарасида зилзила содир бўлган. Зилзила 10 километр чуқурликда юз берган ва унинг марказидаги силкиниш кучи 2,8 баллни ташкил қилган.
Зилзила эпимарказидан Тошкентгача бўлган масофа жанубий-шарқий йўналишда 249 километрни ташкил қилган. Ер силкиниши кучи унинг марказидан 29 километр масофада жойлашган Фарғона шаҳрида 2 баллни ташкил қилган.
Эслатиб ўтамиз, 1 сентябрь куни Тожикистон—Қирғизистон чегарасида қайд этилган зилзила ҳам Ўзбекистонда сезилганди. 7 сентябрь куни эса Ўзбекистонда 3,8 балли зилзила юз берди.
Изоҳ (0)