Ахборот ва оммавий коммуникациялар агентлиги тасарруфидаги Алишер Навоий номли Ўзбекистон Миллий кутубхонаси 7 сентябрь соат 10:00 дан эътиборан яна фаолиятини давом эттирмоқда. Бу ҳақда агентлик матбуот хизмати хабар берди.
Маълум қилинишича, Миллий кутубхонада карантин ҳамда санитария ва гигиена қоидаларига қатъий риоя қилинган ҳолда босқичма-босқич китобхонларга хизмат кўрсатилади:
- «Илм» диссертациялар зали – магистр, илмий тадқиқотчилар, фан номзодлари, доктор, профессор ва академикларга - бир вақтнинг ўзида 15 та китобхон учун;
- «Нодир» ноёб манбалар зали – илмий тадқиқотчиларга - бир вақтнинг ўзида 10 та китобхон учун;
- «Жаҳон» хорижий адабиётлар зали – хорижий тилларни ўрганувчи барчага - бир вақтнинг ўзида 25 та китобхон учун хизмат кўрсатади.
Аввалроқ Ўзбекистон мактабларида янги ўқув йили 14 сентябрдан бошланиши тўғрисида хабар берилганди.
Изоҳ (0)