Ўзбекистонда 7 сентябрь куни 6 ой деганда 329 та мактаб ўқувчилар учун ўз эшикларини очди, дея хабар бермоқда Халқ таълими вазирлиги.
Ўзбекистонда илк бор коронавирус инфекцияси аниқланганидан сўнг, 16 мартдан бошлаб, анъанавий таълим жараёнлари вақтинчалик тўхтатилиб, болалар уй шароитида онлайн таҳсил олишни бошлаган эди.
Қайд этилишича, санитария хизмати марказлари 5 сентябрга қадар мактабларнинг янги ўқув йилига тайёрлик ҳолатини ўрганиб, жамоага қўшимча ўқув-тренинглар ўтказди, бундай тренинглар ҳозирги кунда ҳам давом этмоқда.
Мактаблар фаолиятини йўлга қўйиш юзасидан тегишли қарор санитария эпидемиология ва осойишталик марказининг хулосаси асосида маҳаллий халқ депутатлари кенгашлари томонидан қабул қилинади.
Янги 2020/2021-ўқув йили расман 2020 йилнинг 14 сентябридан бошланади.
Қайд этилишича, Халқ таълими вазирлиги томонидан ўтказилган сўровномада 5 миллион 500 минг нафар ота-она 76 фоизи таълим жараёнини мактабга қатнаган ҳолда, яъни анъанавий шаклда олиб бориш тарафдори бўлган, 24 фоизи эса масофавий шаклда – теледарслар орқали давом эттиришни маъқул кўрган.
Аввалроқ Халқ таълими вазирлиги масофадан ўқитиладиган болаларнинг ота-оналарига тавсиялар билан чиққан эди.
Мавзуга доир:
- Ўзбекистон мактаблари учун пандемия шароитига мослаштирилган намунавий дарс жадвали ишлаб чиқилди
- Халқ таълими вазирлиги ўқув йили бошида айрим фанларни вақтинчалик ўтмасликни тавсия қилди
- ХТВ: «Мактабларга дезинфекция воситалари маҳаллий ҳокимликлар томонидан етказиб берилади, ўқитувчилар томонидан эмас»
Изоҳ (0)