Axborot va ommaviy kommunikatsiyalar agentligi tasarrufidagi Alisher Navoiy nomli O‘zbekiston Milliy kutubxonasi 7-sentabr soat 10:00 dan e’tiboran yana faoliyatini davom ettirmoqda. Bu haqda agentlik matbuot xizmati xabar berdi.
Ma’lum qilinishicha, Milliy kutubxonada karantin hamda sanitariya va gigiyena qoidalariga qat’iy rioya qilingan holda bosqichma-bosqich kitobxonlarga xizmat ko‘rsatiladi:
- “Ilm” dissertatsiyalar zali – magistr, ilmiy tadqiqotchilar, fan nomzodlari, doktor, professor va akademiklarga - bir vaqtning o‘zida 15 ta kitobxon uchun;
- “Nodir” noyob manbalar zali – ilmiy tadqiqotchilarga - bir vaqtning o‘zida 10 ta kitobxon uchun;
- “Jahon” xorijiy adabiyotlar zali – xorijiy tillarni o‘rganuvchi barchaga - bir vaqtning o‘zida 25 ta kitobxon uchun xizmat ko‘rsatadi.
Avvalroq O‘zbekiston maktablarida yangi o‘quv yili 14-sentabrdan boshlanishi to‘g‘risida xabar berilgandi.
Izoh (0)