Бухорода коронавирус инфекциясига чалинган фуқарога компенсация пули тайинлатиб бериш эвазига 200 АҚШ доллари талаб қилган фирибгар ушланди. Бу ҳақда Бош прокуратура «Дарё»га маълум қилди.
Бош прокуратура ҳузуридаги департаментнинг Бухоро шаҳар бўлими томонидан ўтказилган тезкор тадбирда фуқаро Г.Т. фуқаро З.Ф.нинг ишончига кириб, ўзини юқори турувчи давлат ташкилотида ишлашини айтиб, ундан коронавирус инфекциясига чалинган опаси Г.Ф.га танишлари орқали 40 миллион сўм компенсация пули тайинлатиб бериш эвазига 200 АҚШ долларини фирибгарлик йўли билан олган вақтида ашёвий далил билан ушланган.
Шунингдек, терговга қадар текширувда Г.Т. фуқаро У.дан 2000 АҚШ доллари ва фуқаро М.дан 750 АҚШ долларини олиб, уларни «Лукойл» компаниясига ишга жойлаштиришни ваъда қилиб келганлиги аниқланган.
Мазкур ҳолат юзасидан Г.Т.га нисбатан Жиноят кодексининг 168-моддаси (фирибгарлик) 3-қисми «б» банди ва 28, 211-моддаси билан жиноят иши қўзғатилиб, тергов ҳаракатлари ўтказилмоқда.
Аввалроқ Самарқандда фуқарога кам таъминланган оилаларга ажратилган 5 та хонадонни олиб беришни ваъда қилган шахс ушлангани тўғрисида хабар берилганди.
Мавзуга доир:
- Бухоро ҳокимлигининг сохта ходими фирибгарлик йўли билан 800 доллар олаётганида қўлга олинди
- Наманганда ҳокимлик мансабдори номини сотиб, ер майдонини расмийлаштириб бериш учун 10 минг доллар талаб қилган шахс қўлга олинди
- Бухорода фуқароларнинг салкам 500 млн сўмлик қорамолларини алдов йўли билан қўлга киритиб, сотиб юборган шахс ушланди
Изоҳ (0)