Фарғона вилояти Бешариқ туманида Damas автомобили йўлни кесиб ўтаётган велосипедчини уриб кетди. Бу ҳақда вилоят ИИБ хабар қилди.
Қайд этилишича, 2020 йил 30 август куни фуқаро Ю.Х. бошқарувидаги Damas автомашинасини «Янги ҳаёт» МФЙ ҳудудида бошқариб кетаётиб, қатнов қисмини велосипедда кесиб ўтаётган фуқаро Т.Ё.ни уриб юборган. Оқибатида Т.Ё. тан жароҳати олиб, шифохонада вафот этган.
Мазкур ҳолат юзасидан Бешариқ тумани ИИБ ҳузуридаги тергов бўлинмаси томонидан Жиноят кодексининг 266-моддаси 2-қисми (одамлар ўлимига сабаб бўлган, транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, ҳозирда тергов ҳаракатлари олиб борилмоқда.
Изоҳ (0)