YouTube’даги Woodworking Art каналига 1967 йилда ишлаб чиқарилган Ford Mustang GТ500 моделининг ёғоч бўлагидан ясалган аниқ нусхаси тасвирланган видео жойлаштирилди. Классик спорткарнинг нусхасини яратиш учун уста уч ҳафта вақт сарфлаган, бироқ у бутун иш жараёнини саккиз дақиқалик видеога жойлаштирган.
Ford Mustang GТ500’нинг ёғоч нусхаси металл ва пластикдан яратилган бошқа шу каби моделлардан яхши ишланган: уста узатмалар қутисининг ричаги ёки руль остидаги тугмалар каби майда деталларни ҳам эҳтиёт бўлиб қирқиб олган, ғилдиракларга алоҳида ишлов берган ҳамда оптика ва ойналарни ёпиштирган.
Ёғоч модель бир нечта қисмдан иборат бўлиб, айрим узатмалар оригиналига хос тарзда яратилган, масалан, руль тягаси ва пружинали подвеска элементлари. Дурадгор ҳеч қандай махсус анжомлардан фойдаланмаган: моделлаштиришда у оддий принтерда чоп этилган суратларни ишлатган.
Аввалроқ вьетнамлик ушбу уста ёғоч бўлагидан Audi Q7’нинг аниқ нусхасини яратган эди. Март охирида ёғочдан ясалган Toyota Land Cruiser 200’га оид видео ҳозирга қадар 100 миллион маротабадан ортиқ томоша қилинган.
Изоҳ (0)