2020 йилнинг биринчи ярмида Uzbekistan Airways авиакомпанияси умумий активлари қиймати 1,4 фоизга ўсди ва 17,5 триллион сўмга етди. Бу ҳақда Аvestа Investment Group компанияси томонидан маълум қилинди.
Шунингдек, авиакомпания капитали миқдори 2020 йилнинг олти ойида 2,9 фоизга ўсган ва 5,79 триллион сўмни ташкил этган, бунда компания даромади миқдори 1,77 триллион сўмга тенг бўлган.
Қайд этилишича, пандемия сабабли даромаднинг атиги 18 фоизи иккинчи чоракка тўғри келган. Шу тариқа, компания кўрган зарар миқдори 767,7 миллиард сўмни ёки даромаднинг 43,3 фоизини ташкил қилган.
Аввалроқ Uzbekistan Airways ва мамлакатдаги аэропортлар солиқ имтиёзлари, кредитлар бўйича имтиёзли давр ва пандемия даврида айланма маблағларни қўллаб-қувватлаш учун нол ставкали кредит олган.
Эслатиб ўтамиз, Uzbekistan Airways 4 сентябрдан бешта давлат билан мунтазам халқаро авиапарвозларни тиклайди.
Изоҳ (0)