Ўзбекистон олий таълим муассасаларига кириш имтиҳонлари 2 сентябрдан стадионларда ва хиёбонларда бошланди. Талабаликка номзод бўлган абитуриентлар очиқ осмон остида кириш имтиҳонлари тестларини ечмоқда. Пандемия сабабли ҳар йилгидан ўзгача ўтаётган имтиҳонларга АҚШнинг The New York Times газетаси ҳам эътибор қаратди.
Имтиҳонларнинг биринчи кунида Тошкентдаги «Пахтакор» стадионида бўлиб ўтган тест синовлари акс этган сурат The New York Times газетасининг 3 сентябрь куни чиққан сони муқовасида чоп этилди.
Имтиҳонлар ҳақидаги сурат ва газетада эълон қилинган мақола ўзбекистонлик журналист Муҳаммадшариф Маматқулов томонидан тақдим этилган.
Мақолада 2020 йилда Ўзбекистон ОТМларига ҳужжат топширган абитуриентлар сони ва қабул квоталари ҳақида маълумот берилган. Шунингдек, мамлакатда карантин чекловларининг юмшатилиши ҳақида ҳам сўз борган.
Изоҳ (0)