Зинедин Зидан Флорентино Перес президентлиги даврида «Реал»да энг узоқ муддат бош мураббийлик қилган мутахассис бўлиб турибди.
Зидан умумий миқдорда 37 ой «Реал» бошқарувида бўлди. Франциялик мутахассис бу борада Висенте дел Боске ва Жозе Моуриньонинг рекордини янгилади. Бу икки мутахассис Перес даврида 36 ой ишлаганди.
Гарчи Зидан «Реал» бошқарувида дел Боскедан кўпроқ ишлаган бўлса-да, испаниялик мутахассис 233 та ўйин ўтказган, бу кўрсаткич Зизуда 211 тага тенг.
Бошқа томондан 48 ёшли мутахассис бу ўйинларда 141 марта ғалаба қозонган. Бу дел Боске (127) ва Моуриньонинг (128) кўрсаткичидан яхшироқ натижа ҳисобланади.
Мавзуга доир: Зинедин Зидан: «Нафақа чиққанимдан кейин Роналду, Бэйл, Рамос ва Кроос билан бирга ишлаганим ҳақида айтиб юраман»
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)