Футбол бўйича Про-Лиганинг 4-туридан ўрин олган икки ўйин 2 сентябрь, чоршанба куни бўлиб ўтди.
«Шўртан» жамоаси пешқадам «Нефтчи»ни қабул қилди. Учрашувнинг 60-дақиқасида Достон Тошматов фарғоналикларни олдинга олиб чиқди. Бироқ ғузорликлар сўнгги дақиқаларда иккита гол урган ҳолда ғалабани ўз томонига оғдирди. 89-дақиқада Шокир Йўлдошев мувозанатни тиклаган бўлса, ҳакам томонидан қўшиб берилган вақтда Шаҳбоз Жўраев «Шўртан»га ғалаба келтирган гол муаллифига айланди.
«Шўртан» ушбу ғалабадан кейин очколарини 9 тага етказиб олган ҳолда биринчи ўринга кўтарилди. Мавсумдаги илк мағлубиятни қабул қилиб олган «Нефтчи» (7) эса 3-поғонада бормоқда.
«Хоразм» жамоаси «Оқтепа» уйида меҳмон бўлди. Учрашувнинг биринчи бўлимида ҳисоб очилмади. Иккинчи бўлимда дарвозалар тўрт бор ишғол этилди.
Мазкур ғалабадан кейин «Оқтепа» очколарини 7 тага етказиб олди ва иккинчи поғонага кўтарилди. «Хоразм» эса кетма-кет тўртинчи мағлубиятни қабул қилиб олди ва сўнгги ўринда қолмоқда.
Про-Лига
4-тур баҳслари
2 сентябрь, чоршанба
«Шўртан» — «Нефтчи» 2:1
Голлар: 0:1 – 60 Достон Тошматов, 1:1 – 89 Шокир Йўлдошев, 2:1 – 90+3 Шаҳбоз Жўраев.«Оқтепа» — «Хоразм» 3:1
Голлар: 1:0 – 59 Идрис Бикмайкин, 2:0 – 87 Жаъфар Исмоилов, 2:1 – 88 Ҳурматбек Йўлдошев, 3:1 – 90+2 Темур Ҳакимов.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)