ПСЖ матбуот хизмати жамоанинг уч нафар футболчисида коронавирус аниқланганини маълум қилди.
Касалланганлар тегишли йўриқномаларга кўра изоляцияга олинган ва шифокорлар назоратида бўлиб турибди. Клубнинг қолган вакиллари ҳам COVID-19 га тест топширади. Клуб инфекция юқтириб олганлар номини ошкор қилмаган.
L’Equipe нашрининг хабар қилишича, инфекция билан зарарланган футболчилар — Неймар, Леандро Паредес ва Анхель ди Мария.
Уларнинг барчаси таътилни Ибицада ўтказганди. Улар билан бирга Мауро Икарди, Андер Эррера ва Кейлор Навас ҳам бўлган.
Эслатиб ўтамиз, парижликлар Франция чемпионатининг 2-тури доирасида 10 сентябрь куни «Ланс»га қарши ўйнайди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)