«Андижон» бош мураббийи Виктор Кумиков ўз лавозимини тарк этди.
Андижонликлар матбуот хизматининг маълум қилишича, «Андижон»нинг янги раҳбари ва россиялик мутахассис ўртасида учрашув бўлиб ўтган. Унда томонлар шартномани икки томонлама бекор қилиш қарорига келган.
Бу «Андижон» учун 2020 йилги мавсумдаги иккинчи истеъфо бўлди. Аввалроқ жамоа 3-турдан кейин Александр Хомяков билан хайрлашганди.
«Бургутлар» 13-турга келиб 6-очко тўплаган ҳолда сўнгги ўринда бормоқда.
Эслатиб ўтамиз, «Андижон» молиявий қийинчиликлар сабаб 13-тур доирасида «Пахтакор»га қарши кечадиган ўйинга етиб келолмаслиги айтилган, кейинчалик эса Андижон шаҳри клуби пул топган ва ПФЛ қатъий огоҳлантириш эвазига жамоани »Пахтакор»га қарши ўйинни ўтказишига рухсат берганди.
Кейинроқ клубда раҳбарият ўзгарди. Унга кўра, «Макро Фарм Андижон» корхонаси таъсисчиси Журъатбек Қувватов клуб раҳбарига айланганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)