Ижтимоий тармоқларда Тошкент шаҳар Ички ишлар бош бошқармаси ходимини машина уриб кетгани ҳақидаги хабарлар тарқалди. Пойтахт ИИББ мазкур ЙТҲ бўйича расмий маълумот берди.
Қайд этилишича, ҳодиса 1 сентябрь куни соат 19:00 ларда Миробод туманида юз берган. Шаҳрисабз кўчасида хизмат олиб бораётган ЙПХ инспектори сержант Салим Умаров Grand Mir меҳмонхонаси олдида 25 ёшли Ж.Б. бошқарувидаги Captiva’ни тўхтатган.
Инспектор Умаров ҳайдовчининг ҳужжатларини текшириб, йўлнинг четига қараб юра бошлаганда Lacetti’ни ҳайдаб кетаётган 19 ёшли Т.М. бошқарувни йўқотиб, тўхтаб турган Captiva билан тўқнашган ва инерция бўйича ҳаракатни давом эттириб, ЙПХ ходимини уриб кетган.
Оқибатда 30 ёшли ЙПХ инспектори Салим Умаров тан жароҳати олиб, шифохонанинг реанимация бўлимига ётқизилган.
Ҳозирда тергов олди суриштирув ишлари олиб борилмоқда. Йиғилган ҳужжатлар қонуний чора кўриш учун прокуратура органига топширилган.
Мавзуга доир:
- Тошкентда Nexia постни бузиб ўтиб, ЙПХ ходимини уриб юборди. ЙТҲда учта машина зарар кўрган (видео)
- Тошкентда ишдан бўшатилганига 4 кун бўлган маст ИИББ ходими машинада 2 ёшли болани уриб кетди
- Қорақалпоғистонда туман ИИБ бошлиғи хизмат машинасида пиёдани уриб юбориши оқибатида 23 ёшли йигит ҳалок бўлди
Изоҳ (0)