Ўзбекистондаги 18 та олий таълим муассасасида 5—6 сентябрь кунлари ўқишни кўчириш ва тиклаш бўйича онлайн тест синовлари бўлиб ўтади. Бу ҳақда Олий ва ўрта махсус таълим вазирлиги маълум қилди.
Қайд этилишича, фуқаролар рўйхатдан ўтишда белгилаган ўзларининг доимий яшаш манзили бўйича онлайн тест синовларида иштирок этади.
Тест синовларида фуқаролар фақат белгиланган жойда иштирок этишлари мумкин.
Имтиҳон топширувчилардан онлайн тестларда қатнашиш учун белгиланган жойларга ўз вақтида келиш талаб этилади.
Таълим йўналишларига мос фанлардан тўғри жавобларга бериладиган баллар қуйидагича тақсимланади:
- 1-блок фанларига – ҳар бир тўғри жавобга – 3,2 балл;
- 2-блок фанларига – ҳар бир тўғри жавобга – 3,1 балл.
Имтиҳон натижаларига кўра, фуқароларнинг хорижий ва нодавлат ОТМлардан республика ОТМларига ўқишини кўчириш бўйича қарорни давлат комиссияси қабул қилади.
Мавзуга доир:
- Олий ва ўрта махсус таълим вазирлиги ота-оналарни хориждаги сохта ОТМларга алданиб қолишдан огоҳлантирди
- 2019/2020-ўқув йилида ОТМларни тамомлаган битирувчилар учун дипломнинг электрон нусхасини онлайн юклаб олиш имконияти яратилди
- Ўзбекистонда техникумларга кириш учун онлайн ариза топшириш бошланди
Изоҳ (0)