Россияда коронавирус инфекциясига чалинганларнинг умумий сони 1 сентябрь ҳолатига кўра 1 миллион 48 кишига етди, деб хабар бермоқда Meduza коронавирусга қарши кураш бўйича тезкор штабга таяниб. Сўнгги суткада 4729 та янги касалланиш ҳолати қайд этилган.
Мамлакатда эпидемия бошланганидан буён умумий ҳисобда 17 299 киши (шу жумладан 123 нафари сўнгги суткада) вафот этган.
Соғайганлар сони эса 815 705 кишини ташкил қилмоқда. Сўнгги суткада беморларнинг яна 6318 киши тузалиб чиққан.
Россияда коронавирусни аниқлаш бўйича сўнгги суткада 204 мингта, эпидемия бошланганидан буён эса 36,9 миллионта тест ўтказилган.
Жонс Ҳопкинс маълумотларига кўра, дунё бўйича коронавирус қайд этилганлар сони 25,5 миллион кишидан ошди. Шундан 850 нафардан ортиғи COVID-19 қурбонига айланган.
Эслатиб ўтамиз, Россияда 24 август куни COVID-19 билан касалланиш бўйича апрель ойидан буён энг паст кунлик кўрсаткич қайд этилганди. Мамлакатда хавф гуруҳига кирувчи кишиларни коронавирусга қарши оммавий эмлаш 2020 йилнинг ноябрь—декабрь ойларида бошланиши маълум қилинган. 2020 йилда болаларни коронавирусга қарши эмлаш ўтказилмайди.
Изоҳ (0)