Жаҳон соғлиқни сақлаш ташкилоти карантиндан сўнг мамлакатларнинг очилишини қўллаб-қувватлади, бироқ фалокатнинг олдини олиш учун эҳтиёт чораларига риоя қилишни давом эттиришга чақирди. Бу ҳақда ЖССТ бош директори Тедрос Гебрейесус маълум қилди.
«ЖССТ иқтисодиёт ва жамиятларнинг очилиш борасидаги ҳаракатларини тўлиқ қўллаб-қувватлайди. Биз болалар қандай қилиб мактабларга, одамлар эса — ўз иш жойига қайтаётганини кўришни истаймиз. Бироқ биз бу хавфсизликда амалга оширилаётганини кўрмоқчимиз. Шу билан бирга, бирор давлат ўзини пандемия якунланганидек тута олмайди. Ҳақиқат шуки, коронавирус қийинчиликсиз тарқалмоқда», — дейди ЖССТ раҳбари.
Гебрейесуснинг таъкидлашича, давлатлар коронавирус билан боғлиқ вазиятни қанчалик яхши назорат остига олса, шунча чекловчи чораларни ечиши ва очилиши мумкин. «Назоратсиз очилиш — бу фалокат рецепти», — дейди ЖССТ раҳбари.
Унинг сўзларига кўра, давлат, жамият ва одамлар нормал ҳаётга қайтишдан олдин камида тўртта қадамни амалга ошириши керек:
- коронавируснинг одамлар гуруҳи орасида тарқалишининг олдини олиши;
- вирусга заиф гуруҳларни ҳимоя қилиши;
- жамият хавфсизлигини таъминлаш учун ҳисса қўшиш;
- ва касалларни аниқлаш, изоляциялаш, тестдан ўтказиш ва даволаш бўйича чоралар кўриши.
Изоҳ (0)