Jahon sog‘liqni saqlash tashkiloti karantindan so‘ng mamlakatlarning ochilishini qo‘llab-quvvatladi, biroq falokatning oldini olish uchun ehtiyot choralariga rioya qilishni davom ettirishga chaqirdi. Bu haqda JSST bosh direktori Tedros Gebreyesus ma’lum qildi.
“JSST iqtisodiyot va jamiyatlarning ochilish borasidagi harakatlarini to‘liq qo‘llab-quvvatlaydi. Biz bolalar qanday qilib maktablarga, odamlar esa — o‘z ish joyiga qaytayotganini ko‘rishni istaymiz. Biroq biz bu xavfsizlikda amalga oshirilayotganini ko‘rmoqchimiz. Shu bilan birga, biror davlat o‘zini pandemiya yakunlanganidek tuta olmaydi. Haqiqat shuki, koronavirus qiyinchiliksiz tarqalmoqda”, — deydi JSST rahbari.
Gebreyesusning ta’kidlashicha, davlatlar koronavirus bilan bog‘liq vaziyatni qanchalik yaxshi nazorat ostiga olsa, shuncha cheklovchi choralarni yechishi va ochilishi mumkin. “Nazoratsiz ochilish — bu falokat retsepti”, — deydi JSST rahbari.
Uning so‘zlariga ko‘ra, davlat, jamiyat va odamlar normal hayotga qaytishdan oldin kamida to‘rtta qadamni amalga oshirishi kerek:
- koronavirusning odamlar guruhi orasida tarqalishining oldini olishi;
- virusga zaif guruhlarni himoya qilishi;
- jamiyat xavfsizligini ta’minlash uchun hissa qo‘shish;
- va kasallarni aniqlash, izolyatsiyalash, testdan o‘tkazish va davolash bo‘yicha choralar ko‘rishi.
Izoh (0)