АҚШнинг Флорида штати аҳолиси тумшуғига коктейль идишининг қопқоғи тиқилиб қолган катта ҳаворанг қарқара қушини қутқарди. Бу ҳақда «РИА Новости» маълум қилди.
«Қушни узоқдан кўриб, унинг тумшуғида балиқ бор деб ўйладим», − дейди флоридалик Кэролайн Бургин. – Қўшним билан яхшилаб қарасак, бу тезпишар овқат тайёрлайдиган ресторанлардаги пластик идиш қопқоғи экан».
Қўшнилар қуш тумшуғини очолмай қолса, очликдан ўлишидан хавотир олди. Кейин улар Ҳайвонларни ҳимоя қилиш жамиятидан овчи чақирди.
«Бундай вазиятда 98 фоиз ҳолда қуш ўлади», − деди жамиятдан келган мутахассис Ким Бегей. У қушни тузоққа тушириш учун янги тутилган балиқдан фойдаланди.
Қарқара денгиз қушлари қўриқхонасига олиб кетилди, албатта, у ерда ветеринар шифокорлар ёрдам беради, сўнгра у яна озодликка қўйиб юборилади.
Мавзуга доир:
- Америкалик мусиқачи Игги Попнинг тўтиқуши Австралия ҳайвонлар шифохонасига васий бўлди (видео)
- Америкалик балиқчи 15 йил аввал қутқарган чайка ҳар куни уни кўришга келади
- Исроилда табиат муҳофазачилари онасиз қолган қумой полапонини махфий ҳарбий дрон ёрдамида озиқлантирди (видео)
- Британия қирғоқларида кўкрагига ўқ тегган чайка икки ойдан бери яшаётгани маълум бўлди
Изоҳ (0)