Isroildagi Negev sahrosida yashovchi oqboshli qumoy polaponi iyun oyida onasidan ayrilgan edi — u elektr uzatish tizimiga urilib, halok bo‘lgan. Shu sababli kichkina qumoyning faqatgina otasi qolgan. Israel Raptor Nestcam mahalliy tabiatni himoya qilish tashkiloti nar qush yolg‘iz o‘zi polaponni boqa olmaydi, degan qarorga kelib, unga yordam berishga kirishgan, deb xabar beradi Meduza.
Kadr: YouTube
Hayvonot olami himoyachilari alpinistlar yordamida polaponni uning inidan olib ketishi, katta qilib, yana yovvoyi tabiatga qo‘yib yuborishlari mumkin edi. Biroq ular masalaga o‘zgacha yechim topgan — harbiylarning maxfiy dronidan foydalanish.
Uchuvchisiz boshqariladigan apparat qushga ona vazifasini o‘tagan: har ikki-uch kunda u inga oqsilga boy yegulik olib kelib, kichik qumoy oldiga tashlagan. Qushning otasi “ona dron”ga tezda ko‘nikib qolgan, biroq har safar dron paydo bo‘lganida u indan ko‘zini uzmagan. Oradan deyarli bir oy o‘tgach, 26-iyul kuni 136 kunlik qumoy birinchi bor parvoz qilgan.
Israel Raptor Nestcam a’zolari dron yordamida yosh polaponni oziqlantirish jarayoni tasvirlangan rolik bilan bo‘lishdi. Rolikda xavfsizlik nuqtayi nazaridan dron tasviri bo‘yalgan.
