Висконсин штати губернатори Тони Эверс 30 август куни АҚШ президенти Дональд Трампга расмий мактуб йўллаб, унинг Кеноша шаҳрига ташриф буюрмаслигини қаттиқ тавсия қилди. Президентнинг ташрифи шаҳардаги вазиятни тартибга солишга халақит бериши мумкин. Мактуб матни Axios портали томонидан эълон қилинган.
«Тушунишимча, кеча кечқурун (29 август куни — таҳр.) Кеношага ташриф буюриш истагини маълум қилибсиз ва Оқ уй хабарига кўра, бу ишни сешанба куни амалга оширмоқчи экансиз. Бугун мен ҳурмат билан фикрингизни ўзгартиришингизни сўраб ёзмоқдаман», — дейилади Эверснинг Трампга мактубида.
«Мен ва жамиятимизнинг боғланишга муваффақ бўлган бошқа етакчилари штатимизга ташрифингиз Кеноша учун нималарни юзага келтиришидан хавотирда. Сизнинг иштирокингиз тартибсизликни бартараф этиш борасидаги бизнинг ҳаракатларимизни фақатгина секинлаштириши ва олдинга ҳаракатланишимизга тўсқинлик қилиши мумкин», — дея таъкидлайди губернатор.
Эварснинг қўшимча қилишича, Оқ уй раҳбарининг ташрифи ҳозирда ҳамжамиятни қайта тиклаш учун зарур бўлган ресурсларни талаб қилади.
Мавзуга доир: Трамп Висконсиндаги тартибсизликларни бартараф этиш учун Миллий гвардияни юбориш бўйича топшириқ берди
Изоҳ (0)