АҚШ раҳбари Дональд Трамп Синдзо Абэ билан суҳбатда унинг ишини юқори баҳолади ва Япония тарихидаги энг буюк бош вазир деб атади. Бу ҳақда Оқ уй матбуот котиби ўринбосари Жадд Дир Twitter’даги саҳифасида ёзиб қолдирди.
«Президент бош вазир Абэ жуда катта ишларни амалга оширганини ва айни пайтда АҚШ ва Япония муносабатлари ҳар қачонгидан ҳам яхши эканлигини айтди», — деб қайд этган у.
Унинг билдиришича, иккала сиёсатчи ҳам ўзларининг «ажойиб дўстликлари» келажакда ҳам давом этишига умид қилишларини айтди.
Sankei Shimbun нашрининг ёзишича, Трамп ва Абэ телефон орқали гаплашган. Абэ, шунингдек, Япония—Америка муносабатлари мустаҳкамлангани учун АҚШ президентига миннатдорчилик билдирган.
Аввалроқ 65 ёшли Абэ соғлиғи ёмонлашгани сабаб истеъфога чиқишини маълум қилганди. Kyodo News’нинг хабар беришича, парламент мамлакатнинг янги бош вазирини 17 сентябрда сайлайди.
Изоҳ (0)