Бразилияда пляжлари дунёдаги энг яхши деб тан олинган Фернанду-ди-Норонья архипелаги расмийлари сайёҳлар учун очилишга қарор қилди. Бироқ бунинг учун хушманзара оролда шарт қўйилди — дам олувчи шахс COVID-19’га чалиниб, тузалган бўлиши керак.
LADbible’нинг ёзишича, сайёҳлар коронавирусга чалингани ва бутунлай соғайганини исботлашлари керак бўлади. Бунинг учун оролга келишдан 20 кун аввал COVID-19’га антитана ёки ПЗР тестини топшириш керак бўлади.
Архипелаг администратори Гильерме Рочанинг аниқлик киритишича, ҳукумат бу йўл билан орол иқтисодиётини кўтаришга ҳаракат қилмоқда.
«Очилишнинг биринчи босқичида фақат COVID-19’ни бошдан ўтказиб тузалган ва касаликка иммунитети бор сайёҳлар киритилади. Чунки улар вирус юқтирмайди, ўзлари ҳам қайта касалланмайди», — дейди Роча.
У, шунингдек, қайта касалланиш ҳолати камёблигини қўшимча қилган.
Изоҳ (0)