Braziliyada plyajlari dunyodagi eng yaxshi deb tan olingan Fernandu-di-Noronya arxipelagi rasmiylari sayyohlar uchun ochilishga qaror qildi. Biroq buning uchun xushmanzara orolda shart qo‘yildi — dam oluvchi shaxs COVID-19’ga chalinib, tuzalgan bo‘lishi kerak.
LADbible’ning yozishicha, sayyohlar koronavirusga chalingani va butunlay sog‘ayganini isbotlashlari kerak bo‘ladi. Buning uchun orolga kelishdan 20 kun avval COVID-19’ga antitana yoki PZR testini topshirish kerak bo‘ladi.
Arxipelag administratori Gilyerme Rochaning aniqlik kiritishicha, hukumat bu yo‘l bilan orol iqtisodiyotini ko‘tarishga harakat qilmoqda.
“Ochilishning birinchi bosqichida faqat COVID-19’ni boshdan o‘tkazib tuzalgan va kasalikka immuniteti bor sayyohlar kiritiladi. Chunki ular virus yuqtirmaydi, o‘zlari ham qayta kasallanmaydi”, — deydi Rocha.
U, shuningdek, qayta kasallanish holati kamyobligini qo‘shimcha qilgan.
Izoh (0)