АҚШда коронавирус билан касалланган беморлар сони олти миллион кишидан ошди. Бу ҳақда Жонс Ҳопкинс университети маълумотларига таяниб, «РИА Новости» хабар берди.
Университет маълумотларига кўра, АҚШда коронавирусга чалинганлар сони 6 002 615 кишига етган. Касалликка чалинган 183 203 киши вафот этган, бутун эпидемия даврида мамлакатда 2 153 939 киши касалликдан тузалишга муваффақ бўлган.
Бутун дунёда коронавирусга чалиниш бўйича 25 миллиондан ортиқ ҳолат қайд этилган ва уларнинг 847 мингтадан ортиғи ўлим билан тугаган. Касалликдан тузалганлар сони 16 миллион кишидан ошган.
Эслатиб ўтамиз, дунёда коронавирусга чалинганлар сони 3 август куни 18 миллионга, 7 август куни 19 миллионга, 10 августда 20 миллионга етган, 15 август куни эса 21 миллиондан, 19 август куни эса 22 миллиондан ошганди. 22 августда бу кўрсаткич 23 миллионга етган. 27 августда эса бутун дунё бўйлаб коронавирус инфекцияси билан касалланганлар сони 24 миллиондан ошганди.
Изоҳ (0)