Сиёсатчи Алексей Навальнийнинг аҳволи барқарорлигича қолмоқда, бироқ холинэстераза ингибиторлари таъсиридан келиб чиққан симптомларда бироз яхшиланиш бошланади. Бу ҳақда Берлиндаги «Шарите» клиникаси маълум қилди.
У интенсив терапия бўлимида қолмоқда. Навальний ўпкани сунъий нафас олдириш аппаратига уланган ва сунъий кома ҳолатида. Унинг аҳволи олдингидек оғир дея баҳоланмода, бироқ сиёсатчининг ҳаётига бевосита хавф туғдирадиган ҳеч нарса йўқ.
«Аммо беморнинг заҳарланиш даражаси оғирлиги ҳисобга олинадиган бўлса, содир бўлган ҳодиса унга узоқ муддатли оқибатларни прогноз қилишга ҳали эрта», — дейди мутахассислар.
Даволовчи шифокорлар беморнинг турмуш ўртоғи Юлия Навальная билан мунтазам алоқада бўлиб турибди.
Алексей Навальний 20 август куни Томскдан Москвага учаётган самолётда аҳволи ёмонлашганидан буён комада. Унинг яқинлари сиёсатчи заҳарланган, деб тахмин қилмоқда.
Навальний қарийб икки сутка давомида Омксдаги клиникада ётди, шундан сўнг у Берлинга олиб кетилди. Омскдаги клиника шифокорлари икки сутка давомида уни олиб кетишга рухсат беришдан бош тортди ва буни беморнинг аҳволи барқарор эмаслиги билан тушунтирди.
Германия ҳукумати россиялик сиёсатчи Алексей Навальний катта эҳтимол билан заҳарланган, деб ҳисобламоқда. Бу ҳақда мамлакат ҳукуматининг расмий вакили Штеффен Зайберт маълум қилган.
25 август куни «Шарите» Навальний бўйича ўтказилиши керак бўлган брифингни бекор қилган.
Spiegel ва Bellingcat нашрлари клиника «Новичок» билан заҳарлангани тахмин қилинган бизнесмен Емельян Гебревни даволаган болгар шифокорлари билан боғланганини маълум қилди. Клиниканинг ўзи эса миш-мишларга изоҳ бермаслигини билдирган.
28 август куни эса Spiegel ва Bellingcat ўз манбаларига таяниб «Шарите» бундесвер ва Портон-Даундаги кимёвий ва биологик қуроллар бўйича Британия лабораториясидан ёрдам сўраганини маълум қилган.
Изоҳ (0)