Япония истеъмолчилар билан ишлаш бошқармаси коронавирусдан сақланиш учун тақиш керак бўлган вирус блокаторлари самарасиз деган хулосага келди, деб хабар берди NHK телеканалига таяниб «РИА Новости».
Бошқарма блокаторнинг самарали эканлиги ҳақидаги даъво ҳеч қандай оқилона асосга эга эмаслигини таъкидлади.
Аввало, гап ўз веб-сайтида февраль ойида коронавирус инфекциясининг олдини олиш воситаси сифатида блокатор ҳақида маълумот жойлаштирган TOA Industry Co. Ltd компаниясининг маҳсулотлари ҳақида бормоқда.
Экспериментлар натижалари бўйича компания томонидан берилган маълумотлар жуда чекланган бўлиб чиқди. Уларнинг тажрибаси фақат ёпиқ ҳудудларда ўтказилган.
Япония истеъмолчилар билан ишлаш бошқармаси блокаторларнинг самарадорлиги тўғрисидаги маълумотлар истеъмолчиларни чалғитади деган фикрга келган.
Блокаторларни тарғиб қилган компания афсусда эканини билдирган. Ишлаб чиқарувчи «расмий процедуралар орқали адолат» ўрнатишга ваъда берган.
Мавзуга доир:
- Қиммат вирус блокатор вирусдан қай даражада ҳимоя қилиши ҳақида маълумот берилди
- «Фойдаси бор-йўқлигини билмайман». Путиннинг матбуот котиби — ўзи тақиб юрган вирус блокатори ҳақида
- Коронавирусга чалинган Дмитрий Песков вирусга қарши блокатор таққанди. Ўзбекистон ҳукумати аъзолари ҳам мазкур қурилмадан фойдаланмоқда (фото)
Изоҳ (0)