Сурхондарё вилоятида вояга етмаган фарзандига халқаро аҳамиятга эга йўлда Labo юк машинасини бошқаришга рухсат бериб қўйган отага нисбатан чора кўрилди. Бу ҳақда ИИВ ЙҲХББ хабар қилди.
Қайд этилишича, Сурхондарё вилояти ҳудудидан ўтган М 41 халқаро аҳамиятдаги автомобиль йўлида хизмат олиб бораётган ЙПХ ходими А.Чориев Labo русумли юк автомобилини тўхтатган вақтида, ҳайдовчи 11 ёшли, 5-синфда ўқийдиган Улуғбек исмли бола эканлиги маълум бўлган.
Вояга етмаган боланинг ёнида, автомобилнинг олд ўриндиғида, отаси ҳам бўлган. ЙПХ ходими билан суҳбат давомида ота «Ўғлимга ишонаман. Ўзим ҳам олий маълумотлиман» деган сўзлар билан вазиятни оқламоқчи бўлган.
Ходим отасидан меъёрий ҳужжатларини сўраганда, ота ҳам ҳеч қандай ҳужжат тақдим эта олмаган. Қоидабузарликлар юзасидан белгиланган тартибда чора кўрилган.
Изоҳ (0)