Британиялик актриса Кейт Уинслет «Аватар-2» фильмидаги роли учун етти дақиқа мобайнида нафас олмай туришни ўрганди. Актриса бу ҳақда The Hollywood Reporter’га берган интервьюсида маълум қилди.
Режиссёр Жеймс Кэмерон суратга олаётган картинада актрисанинг сув остида ҳеч қандай ускуналарни ишлатмасдан нафас олмай туриши (freediving)га тўғри келди.
«Бу мумкин бўлмаган нарса эди. Аммо мен энг кўпи билан 7 дақиқаю 14 сония нафас олмай турдим. Ақлдан оздирадиган иш», – дейди актриса.
Унинг сўзларига кўра, «Аватар-2» фильмида «сув одами» ролини ижро қилмоқда, аммо сюжет ҳақида бошқа тафсилотлар билан бўлишмаган, сабаби бу сир тутилиш керак.
Ушбу картина Кейт Уинслет ва Жеймс Кэмероннинг «Титаник»дан кейинги ҳамкорликдаги актриса бош ролни ижро этаётган биринчи фильм ҳисобланади. Актрисанинг сўзларига кўра, режиссёр билан ишлаш ажойиб тарзда кечмоқда, Кэмерон анча хотиржам ва ўзини тутиб олган.
«Аватар-2» фильмининг премьераси 2022 йилнинг декабрь ойига режалаштирилган. Фильмнинг бош ролларида томошабинлар Сигурни Уивер, Сэм Уортингтон, Зои Салдана ва Жоэл Дэвид Мурни кўриши мумкин. Фильм воқеаларининг асосий қисми афсонавий Пандора сайёрасидаги океанда бўлиб ўтади. Картинада аватар Жейк Саллининг аввалги ердаги оиласи тарихи ва муҳаббати ҳамда севгилиси аватар Нейтири ҳақида ҳикоя қилинади.
From the set of the sequels: @ZoeSaldana, Sam Worthington, Kate Winslet, and Cliff Curtis taking a break from underwater performance capture for a quick photo!
— Avatar (@officialavatar) May 13, 2020
Fun fact: Much of the performance capture took place in this 900,000 gallon tank, built specifically for the sequels. pic.twitter.com/NSfqoZ6jXJ
Twitter тармоғида тарқалган суратларда актёрнинг либослари ва деталлардан келиб чиқиб, ОАВ картинанинг янги қисми Пандоранинг сувости дунёси ҳақида бўлиши мумкинлигини тахмин қилган.
Изоҳ (0)