Дэнни Трехо. Ўғли Гильберт — режиссёр
Юзидаги шафқатсиз ифода ва жиноий ўтмиши сабаб кино оламига қадам қўйган Дэннинг фарзандлари бошқа йўлни танлаган. Ўғли онда-сонда кичик роллар ижро қилиб туришига қарамай, асосий фаолияти режиссёрлик ҳисобланади. Қизи Даниэль эса бизнес билан шуғулланади, унга қарашли бир қанча либослар дўкони мавжуд.
Жерар Депардьё. Қизи Жюли — актриса
Энг машҳур француз актёрларидан бири бўлган Жерар ўзига хос роллари билан нафақат Европада, балки бутун дунёда таниқли ҳисобланади. Унинг қизи Жюли ҳам ота касбни танлаган ва фақатгина француз фильмларида суратга тушган. У Европа кинофестивалларида бир неча марта мукофот қўлга киритишга муваффақ бўлган.
Роуэн Аткинсон. Қизи Лили — хонанда ва раққоса
Мазкур инглиз актёри «Мистер Бин» сифатида катта-ю кичикка яхши таниш. Бошқа шоу-бизнес вакиллари сингари Аткинсоннинг фарзандлари актёрлик йўлидан кетмаган. Қизи Лили рақс билан профессионал равишда шуғулланади ва эстрадали кафеда қўшиқ ижро қилади.
Дэнни Де Вито. Ўғли Дэниэл ва қизи Люси — актёр
Голливуд комедиялари юлдузи ҳеч қачон шахсий ҳаётини беркитмайди ва фарзандлари муваффақияти билан ижтимоий тармоқларда бўлишиб туради. Актёрнинг қизи отаси изидан кетган ва у сингари комик фильмларда роль ижро қилади. Отаси билан бирга суратга тушган фильмлари ҳам йўқ эмас. Қизидан фарқли ўлароқ ўғли Дэниэл жиддий жанр — ҳужжатли фильмларни танлаган.
Дэвид Боуи. Ўғли Злоуи — режиссёр
Рок юлдузи Дэвиднинг актёрлик маҳорати ҳам чакки эмас. Унинг арсеналида 30 дан ортиқ фильмлар бор. Фильмларда эпизодик роллар ижро қилганига қарамай, кинопродюссерлар билан дўстона алоқаси яхши бўлгани сабаб ўғли фаолиятини кино билан боғлашни истаган. Злоуи отасининг ёрдамисиз мустақил равишда режиссёр бўлишга муваффақ бўлган. Отасининг машҳурлиги ортидан танилмоқчи деган гап-сўзларни эшитишни истамаган Злоуи исмини Данкан Жонсга ўзгартирган ҳатто. Режиссёр сифатида суратга олган «Дастлабки код» ва «ВарКрафт» фильмларини омадли чиққан деса ҳам бўлади.
Изоҳ (0)