Эстонияда тезликни оширганлар учун янги жазо тури — тинчлантирувчи тўхташ жойи жорий этилди, деб хабар бермоқда «Интерфакс». Парламент ҳуқуқий комиссиясининг тегишли таклифи 27 август куни мамлакат ҳукумати томонидан қўллаб-қувватланган.
Янги қоидаларга мувофиқ, тезликни соатига 20 километрдан оширмаган ҳайдовчи жарима тўламасдан дам олиш ва тинчланиш учун 45 дақиқа тўхтаб туриши мумкин. Буни махсус белгиланган жойларда ёки шунчаки йўл четида амалга ошириш мумкин.
Киритилган янги ўзгаришлар 1 декабрдан бошлаб кучга киради.
Ҳозирда Эстонияда тезликни бироз оширганлик учун жарима қўлланилиб, унинг миқдори оширилган ҳар бир километр учун 3 евродан ҳисоблаб чиқилади.
Эстонияда жарима ўрнига тажриба тариқасида «тинчлантирувчи тўхташ»дан фойдаланиш 2019 йилнинг кузидан бошланган. Ўша пайтда ҳайдовчиларга танлаш ҳуқуқи берилган — жарима тўлаш ёки йўл четида 45 дақиқадан 1 соатгача тўхтаб туриш.
Полициянинг билдиришича, аксарият ҳайдовчилар уларга автоматик равишда почталарига келадиган кичик жарималар уларнинг йўлдаги ҳаракатларини ўзгартиришга туртки бермайди. Тўхтаб туриш орқали йўқотилган вақт эса катта эҳтимол билан уларнинг тезликни ошириш одатларига таъсир кўрсата олади.
Изоҳ (0)