Tesla электромобилларининг турли давлатлардаги бир неча эгалари марканинг расмий иловасидаги хатоликдан шикоят қилмоқда. Улар ўзгаларнинг электрокарларини кўришни бошлаган — баъзида турли мамлакатдан бир нечта донагача, деб ёзади InsideEVs.
Tesla автомобилининг биринчи «нуқсони» ҳақида апрелдаёқ маълум бўлганди. Ўшанда Сиэтлда истиқомат қилувчи фуқаро 2019 йилнинг кузида сотиб юборган Model 3’ни илова орқали кўриб қолган. Мобил дастур америкаликка Украина йўллари бўйлаб ҳаракатланаётган автомобилни бошқариш имконини берган.
Орадан бир оз вақт ўтгач дастурдаги муаммо ҳақида яна икки нафар Tesla модели эгаси маълум қилган.
Хитойлик фуқаронинг автомобили кутилмаганда иловадан йўқолиб қолган, бунинг устига экранда Европадаги бошқа бешта машина пайдо бўлган. Автомобилларни масофадан туриб бошқариш тўлиқ очиқ бўлган.
Март ойида эса Model 3 харид қилган британиялик ўз смартфонидаги иловадан машина «учиб кетганини» пайқаб қолган. Аниқланишича, кейинроқ автомобиль бошқа офисдаги ҳамкасбининг иловасидан «топилган».
Автомобиль ишлаб чиқарувчи ҳозирча ўзининг расмий дастуридаги нуқсонлар борасида ҳеч қандай изоҳ бермаган.
Мавзуга доир: Tesla Model 3’нинг рули ҳаракат вақтида узилиб тушди
Изоҳ (0)