Тошкент шаҳри Миробод туманида Spark автомобили ҳайдовчиси пиёдани уриб юбориб, воқеа жойидан қочиб кетган, деб хабар бермоқда шаҳар ИИББ.
Маълум қилинишича, 2020 йил 23 август куни соат 21:50 да Миробод туманидаги Янги Қўйлиқ кўчасида номаълум шахс Spark автомобилини бошқараётиб пиёдалар йўлакчаси орқали йўлни кесиб ўтаётган фуқарони уриб юбориб, воқеа жойидан қочиб кетган. ЙТҲ натижасида 59 ёшли Владимир Ф. тиббиёт муассасасига етказилганига қарамай, оғир тан жароҳатлари туфайли шифохонада ҳаётдан кўз юмган.
Терговолди текширувлари давомида аниқланишича, ҳодисадан сўнг ҳайдовчи Сергели туманига йўл олган. 26 август куни автомобиль Сергелида топилган. Маълум бўлишича, автомобиль ишончнома асосида 24 ёшли Элёр Х.нинг тасарруфида бўлган. Аммо ЙТҲ содир бўлган вақтда машинани 24 ёшли Ҳасан Х. бошқарган. Автомобильда йўловчи сифатида 24 ёшли Ҳусан Х. ва Элёр Х.нинг ўзи ҳам бўлган.
Ҳолат юзасидан Миробод тумани ИИО ФМБ тергов бўлими томонидан Жиноят кодексининг 266-моддаси 2-қисми (одам ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) бўйича жиноий иш қўзғатилди.
Ҳозирда тергов ҳаракатлари давом этмоқда.
Мавзуга доир:
- Чилонзорда учта автомобиль иштирокида ЙТҲ содир бўлди. Икки ҳайдовчи шифохонага ётқизилди
- Марғилонда Cobalt ва Spark иштирокидаги ЙТҲда 22 ёшли икки йигит ҳалок бўлди
- Самарқандда тўйдан юк ортиб чиққан «ЗИЛ» ҳайдовчиси шу тўйдан чиққан маст кишини босиб кетди
- Юнусободда собиқ ИИББ ходими машинада уриб кетган 2 ёшли бола шифохонада вафот этди
Изоҳ (0)