Ўзбекистон Президенти Шавкат Мирзиёев Молдова президенти Игор Додонни Мустақиллик куни билан табриклади. Бу ҳақда Президент матбуот хизмати хабар берди.
Ўзбекистон раҳбари Молдова президентини 27 август — Молдова Мустақиллиги куни билан қутлади.
Маълумот учун, 27 август Молдовада Мустақиллик декларацияси қабул қилинган кун сифатида нишонланади, миллий байрам ва дам олиш куни ҳисобланади.
Молдова ССРда 1991 йил 27 август куни Буюк миллий мажлис чақирилган ва унда Парламент Мустақиллик декларациясини қабул қилиш учун овоз берган.
Аввалроқ Шавкат Мирзиёев Украина президенти Владимир Зеленский ва Беларусь президенти Александр Лукашенкони мазкур мамлакатларнинг Мустақиллик кунлари билан табриклаганди.
Изоҳ (0)