Президент Шавкат Мирзиёев «‘Мард ўғлон’ давлат мукофоти билан тақдирлаш тўғрисида»ги қарорни ва «‘Меҳр-саховат’ кўкрак нишони билан мукофотлаш тўғрисида»ги фармонни имзолади, деб хабар беради ЎзА.
Ўзбекистон Президенти ҳузуридаги Давлат мукофотлари ва гералдика бўйича комиссиянинг Қорақалпоғистон Республикаси, вилоятлар ва Тошкент шаҳрининг иқтидорли йигитларини фан, таълим, тиббиёт, маданият, адабиёт, санъат, спорт, ишлаб чиқариш, ҳарбий хизмат соҳалари ва ҳуқуқни муҳофаза қилиш органларидаги фаолиятида эришган алоҳида ютуқлари учун «Мард ўғлон» давлат мукофоти билан тақдирлаш тўғрисидаги таклифлари маъқулланди.
«Мард ўғлон» давлат мукофоти билан тақдирланганларга совриндорлик дипломлари ва кўкрак нишонлари тантанали вазиятда топширилади. Молия вазирлиги «Мард ўғлон» давлат мукофоти совриндорларининг ҳар бирига базавий ҳисоблаш миқдорининг 50 баравари миқдорида пул мукофоти берилишини таъминлайди.
Шунингдек, соғлиқни сақлаш соҳасининг жонкуяр вакиллари, саховатли тадбиркорлар, давлат ва жамоат ташкилотларининг фидойи ходимлари ҳамда бошқа ташаббускор ва фаол фуқаролар «Меҳр-саховат» кўкрак нишони билан мукофотланди.
Вазирлар Маҳкамаси «Меҳр-саховат» кўкрак нишони билан тақдирлаш бўйича вазирликлар, идоралар, хўжалик бошқаруви органлари, жамоат бирлашмалари ва бошқа республика ташкилотлари ҳамда Қорақалпоғистон Республикаси Жўқорғи Кенгеси, вилоятлар ва Тошкент шаҳар ҳокимликлари томонидан тақдим этилган рўйхатларни кўриб чиқади ва тасдиқлайди.
«Мард ўғлон» давлат мукофоти билан тақдирланганлар рўйхати:
- Отабек Раҳимбоев — Қорақалпоқ давлат университетининг 3-босқич талабаси (Қорақалпоғистон Республикаси);
- Памир Сержанов — Нукус шаҳридаги «Оралбай Нукус» оилавий корхонаси раҳбари (Қорақалпоғистон Республикаси);
- Мирзохид Абдухалилов — Андижон машинасозлик институтининг 4-босқич талабаси (Андижон вилояти);
- Алишер Комилов — Мудофаа вазирлигининг Ахборот-коммуникация технологиялари ва алоқа ҳарбий институти илмий ходими (Андижон вилояти);
- Феруз Жўраев — «Ҳунарманд» уюшмасининг Бухоро вилояти бошқармаси аъзоси (Бухоро вилояти);
- Жаҳонгир Норбоев — Пешку туманидаги 18-умумий ўрта таълим мактабининг 11-синф ўқувчиси (Бухоро вилояти);
- Бекзод Турсунов — Тошкент архитектура-қурилиш институти таянч докторанти (Жиззах вилояти);
- Равшан Халилов — Тошкент давлат аграр университетининг 1-босқич талабаси (Жиззах вилояти);
- Фаррух Қодиров — Тошкент ахборот технологиялари университетининг Қарши филиали 1-босқич магистранти (Қашқадарё вилояти);
- Муҳриддин Очилов — Мудофаа вазирлигининг ҳарбий қисм гуруҳ мутахассиси (Қашқадарё вилояти);
- Суҳроб Ҳайдаров — Навоий шаҳридаги 4-ихтисослаштирилган умумий ўрта таълим мактабининг 10-синф ўқувчиси (Навоий вилояти);
- Ҳусан Эгамов — Тошкент тиббиёт академиясининг 1-босқич талабаси (Навоий вилояти);
- Фаррух Абдухалилов — Янгиқўрғон тумани кўп тармоқли марказий поликлиникаси врач-эпидемиологи (Наманган вилояти);
- Сардоржон Салойдинов — Тошкент давлат техника университетининг 1-босқич магистранти (Наманган вилояти);
- Ҳасан Нуруллаев — Нарпай туманидаги 64-умумий ўрта таълим мактабининг 8-синф ўқувчиси (Самарқанд вилояти);
- Расул Шарипов — Давлат хавфсизлик хизматининг чегара қўшинлари взвод командири (Самарқанд вилояти);
- Жасур Усмонов — Миллий гвардиянинг Ҳарбий-техник институти таянч докторанти (Сирдарё вилояти);
- Азизжон Эшбеков — Мирзаобод туманидаги ихтисослаштирилган умумий ўрта таълим мактаб-интернатининг 11-синф ўқувчиси (Сирдарё вилояти);
- Шарафуддин Лутфиллаев — Тошкент давлат иқтисодиёт университетининг 3-босқич талабаси (Сурхондарё вилояти);
- Олим Сапаров — «Ёшлар – келажагимиз» жамғармасининг Термиз шаҳар филиали раҳбари (Сурхондарё вилояти);
- Бобуржон Йўлдашбоев — Паркент туманидаги Modern education интеллектни ривожлантириш маркази директори (Тошкент вилояти);
- Сарвар Шоюнусов — Тошкент педиатрия тиббиёт институтининг 4-босқич талабаси (Тошкент вилояти);
- Асилбек Аҳаджонов — Ўзбекистон давлат консерваториясининг 2-босқич талабаси (Фарғона вилояти);
- Жасурбек Имомов — Ўзбекистон Миллий университетининг 1-босқич талабаси (Фарғона вилояти);
- Раҳматжон Бобожонов — Тошкент шаҳридаги «Китоб дунёси» газетасининг ўзбек адабиёти бўлими муҳаррири (Хоразм вилояти);
- Нодирбек Ёқуббоев — Ўзбекистон Миллий университетининг 1-босқич талабаси (Хоразм вилояти);
- Муҳиддин Мамажонов — Тошкент шаҳар Ички ишлар бош бошқармасининг тезкор вазифаларни бажарувчи сафарбар отряди катта мутахассис-ўқчиси (Тошкент шаҳри);
- Владислав Мустафин — Сузиш бўйича Ўзбекистон миллий терма жамоаси аъзоси (Тошкент шаҳри).
Изоҳ (0)