Ўзбекистон ташқи ишлар вазири Абдулазиз Комилов 26 август, чоршанба куни мамлакатда дипломатик фаолиятини якунлаётган Исроил давлатининг фавқулодда ва мухтор элчиси Эдуард Шапирани қабул қилди, деб хабар бермоқда вазирлик ахборот хизмати.
Қайд этилишича, мулоқот чоғида турли соҳаларда ва шакллардаги Ўзбекистон—Исроил ҳамкорлигининг ҳолати ва уни янада ривожлантириш истиқболлари юзасидан фикр алмашилди.
Ўзбекистондаги дипломатик миссияси якунланаётгани муносабати билан элчининг самарали фаолияти ва икки давлат ўртасидаги муносабатларни ривожлантиришга қўшган ҳиссаси қайд этилди.
Ўз навбатида, элчи Исроилнинг Тошкентдаги дипломатик ваколатхонаси раҳбари сифатидаги фаолиятини қўллаб-қувватлаганлиги учун миннатдорчилик билдирган.
Аввалроқ Абдулазиз Комилов Италиянинг Ўзбекистондаги элчисини қабул қилган эди.
Мавзуга доир:
Изоҳ (0)