O‘zbekiston tashqi ishlar vaziri Abdulaziz Komilov 26-avgust, chorshanba kuni mamlakatda diplomatik faoliyatini yakunlayotgan Isroil davlatining favqulodda va muxtor elchisi Eduard Shapirani qabul qildi, deb xabar bermoqda vazirlik axborot xizmati.
Qayd etilishicha, muloqot chog‘ida turli sohalarda va shakllardagi O‘zbekiston—Isroil hamkorligining holati va uni yanada rivojlantirish istiqbollari yuzasidan fikr almashildi.
O‘zbekistondagi diplomatik missiyasi yakunlanayotgani munosabati bilan elchining samarali faoliyati va ikki davlat o‘rtasidagi munosabatlarni rivojlantirishga qo‘shgan hissasi qayd etildi.
O‘z navbatida, elchi Isroilning Toshkentdagi diplomatik vakolatxonasi rahbari sifatidagi faoliyatini qo‘llab-quvvatlaganligi uchun minnatdorchilik bildirgan.
Avvalroq Abdulaziz Komilov Italiyaning O‘zbekistondagi elchisini qabul qilgan edi.
Mavzuga doir:
- Sergey Lavrov va Abdulaziz Komilov O‘zbekiston Prezidentining Rossiyaga tashrifiga oid masalalarni muhokama qildi
- O‘zbekiston afg‘onlararo inkluziv muzokaralar olib borish uchun 400 nafar “Tolibon” a’zosining ozod qilinishini olqishladi
- “Migrant bo‘lish oson emas. Bu ashaddiy sinov” — Abdulaziz Komilov
Izoh (0)