Ўзбекистон мудофаа вазирининг тегишли буйруғи билан Шарқий ҳарбий округ қўшинлари қўмондонининг биринчи ўринбосари — штаб бошлиғи лавозимига полковник Жамшид Каримов тайинланди. Бу ҳақда округ матбуот хизмати хабар қилди.
Маълум қилинишича, полковник Жамшид Каримов 2017 йилнинг ноябрь ойидан ҳозиргача Жануби-ғарбий махсус ҳарбий округ қўшинлари қўмондонининг ўринбосари лавозимида хизмат қилиб келган.
Жамшид Каримов 2001 йилда Тошкент олий умумқўшин қўмондонлик билим юрти (ҳозирги Қуролли Кучлар академияси)ни, 2010 йилда Ўзбекистон Қуролли Кучлари академиясини, 2019 йилда Россия Қуролли Кучлари Бош штаби ҳарбий академияси қошидаги малака ошириш курсини тамомлаган.
Изоҳ (0)