Ўзбекистон 9 та давлатга 36 млн долларлик шафтоли экспорт қилди

Ўзбекистон 47,7 минг тонна шафтоли мевасини 9 та давлатга экспорт қилди, дея хабар беради Давлат статистика қўмитаси.

Маълум қилинишича, 2020 йилнинг 1 август ҳолатига кўра, қиймати 36,3 миллион АҚШ долларига тенг бўлган 47,7 минг тонна шафтоли меваси хорижга экспорт қилинди. Бу кўрсаткич ўтган йилнинг мос даврига нисбатан 22 минг тоннага кўп.

Экспорт қилинган жами шафтолининг 34, 9 фоизи, яъни 16,7 минг тоннаси Фарғона вилояти ҳиссасига тўғри келган. Бу борада Наманган 8,2 минг тонна, Тошкент 7,5 минг тонна ва Хоразм вилояти 5,5 минг тонна маҳсулот экспорти билан кейинги ўринларни эгаллаган.

Маълумот ўрнида, Россияга 22,1 минг тонна ва Қозоғистонга 20,6 минг тонна шафтоли экспорт қилинган.