Навоийшунос олим, шоир ва ёзувчи Акром Малик 27 август куни озодликка чиқди, дея хабар бермоқда «Акром Малик қайдлари» Telegram канали. У Ўзбекистон Мустақиллигининг 29 йиллиги муносабати билан бир гуруҳ маҳкумлар қаторида афв этилган. Расмий доиралардаги манба «Дарё»га ушбу маълумотни тасдиқлади.
Акром Малик 2016 йилнинг июль ойида МХХ томонидан қамоққа олинган, Жиноят кодексининг 159-моддаси (конституцион тузумга тажовуз) ҳамда 244-моддаси (жамоат хавфсизлигига таҳдид) билан айбланиб, 6 йилга озодликдан маҳрум этилган эди.
Унинг мухолифатдаги Муҳаммад Солиҳ билан ҳамкорлиги ва Абдуллоҳ Нусрат тахаллуси остида ёзган сиёсий-танқидий мақолалари жиноят сифатида баҳоланган.
Акром Малик қамоқда ҳам илмий ва бадиий ижодни давом эттирган. Унинг қаламига мансуб «Жангчи», «Ҳалқа» қиссалари, «Қалбнинг ичидаги нур» рисоласи ва бир неча шеърлари ижтимоий тармоқлар орқали жамоатчиликка етиб борган.
Эслатиб ўтамиз, 2019 йилда Тошкент вилоятининг Оҳангарон туманидаги 48-манзил-муассасада жазо муддатини ўтаётган Акром Малик мазкур муассасада сақланаётган маҳкумлар номидан Президент Шавкат Мирзиёевга табрик йўллаганди.
Изоҳ (0)