Turli sabablarga ko‘ra maktab davrida insonlarda qiyofasidan kamchilik qidirish, qoniqmaslik holatlari ko‘p kuzatiladi. Ishonish qiyin bo‘lsa ham, bugungi kunda yetarlicha muxlislariga ega quyidagi mashhurlar bolalik davri bundan mustasno bo‘lmagan.
Uill Smit
Foto: “Yandeks Dzen”
Bolalik vaqtida tengdoshlari Uillning ustidan ko‘p kulgan va quloqlari kattaligini masxara qilgan. Bu esa tabiiyki yosh Smitning o‘zini yomon his qilishiga sababchi bo‘lgan. Bolaning ruhiy ahvoliga atrofdagilar munosabati shunchalik ta’sir qilganidan uning ota-onasi psixologga murojaat qilishiga to‘g‘ri kelgan. Bugunga kelib esa aktyor bolaligidagi suratlarga tabassum bilan boqib, nima uchun bunchalik ko‘rinishidan ko‘ngli to‘lmaganiga hayron qoladi.
Kira Naytli
Foto: “Yandeks Dzen”
Bolaligida tashqi ko‘rinishidan uyalgan mashhurlardan yana biri mahoratli aktrisa Kira Naytli hisoblanadi. U yoshiga nisbatan ozg‘in va nimjon ko‘ringanidan ko‘ngli to‘lmagan. Voyaga yetgani sayin esa bunga ko‘nikishiga to‘g‘ri kelgan. Bugunga kelib esa Kira kinosanoatning eng talabgir va go‘zal aktrisalaridan biri hisoblanadi.
Linda Yevangelista
Foto: “Yandeks Dzen”
Kanadalik model Linda bolaligida sinfdoshlari uning burni shakli ustidan kulgan. Eng yomoni unga belkurak deb laqab qo‘yishgan. Ushbu psixologik travma model voyaga yetganida ham uni tark etmagan va u mutaxassislarga murojaat qilishiga sabab bo‘lgan. Jarrohlik amaliyotidan keyin esa model burnining shakli butkul o‘zgargan.
Vera Brejneva
Rossiyalik xonanda Vera Brejneva maktabda o‘qib yurgan kezlarida bo‘yi balandligidan uyalgan. U novchaligidan shunchalik tashvishga tushganki, hatto sinfoshlarining masxara qilishlariga sabab bo‘lgan. Ulg‘ayganida Veraning ushbu uyatchanligi qaddi-qomatida muammolarni keltirib chiqargan. Hozirda o‘ziga ishonchi yuqori bo‘lgan xonanda bolalikdagi ushbu xotiralarni eslashni istamaydi.
