Бутун дунё бўйлаб коронавирус инфекцияси билан касалланганлар сони 24 миллиондан ошди. Бу ҳақда касаллик тарқалишини реал вақтда кузатиб келаётган Жонс Ҳопкинс университети маълумотларида келтирилган.
АҚШ касалланганлар сон бўйича ҳали ҳам етакчилик қилмоқда — мамлакатда 5,8 миллиондан ортиқ кишида COVID-19 аниқланган. Кейинги ўринларни Бразилия (3,6 миллион) ва Ҳиндистон (3,2 миллион) эгаллаган. Тўртинчи ўринни 970,8 минг киши билан Россия эгаллаган. ЖАР эса 615,7 минг киши билан бешинчи ўриндан жой олган.
Шунингдек, Жонс Ҳопкинс маълумотларига кўра, инфекциядан 822,1 киши вафот этган. COVID-19’дан энг кўп ўлим ҳолатлари АҚШда қайд этилган. У ерда 179, минг киши вирус қурбони бўлган. Бразилияда — 116,6 киши, Мексикада — 61,4 минг киши вафот этган.
Дунё бўйича коронавирусдан соғайганлар сони эса 15,6 миллион кишини ташкил қилмоқда.
Эслатиб ўтамиз, дунёда коронавирусга чалинганлар сони 3 август куни 18 миллионга, 7 август куни 19 миллионга, 10 августда 20 миллионга етган, 15 август куни эса 21 миллиондан, 19 август куни эса 22 миллиондан ошганди. Бундан беш кун аввал — 22 августда бу кўрсаткич 23 миллионга етганди.
Изоҳ (0)