Тошкент шаҳар Сергели туманига Элбек Шукуров ҳоким этиб тайинланди. Бу ҳақда Тошкент шаҳар ҳокимлиги маълум қилди.
Элбек Шукуров 1988 йилда Тошкент шаҳрида туғилган, 2009 йилда Тошкент давлат аграр университетини тамомлаган.
У 2018—2020 йилларда Тошкент шаҳар ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари, 2020 йил бошидан жисмоний тарбия ва спорт вазирининг ўринбосари сифатида ишлаб келаётганди.
Эслатиб ўтамиз, Сергели туманининг аввалги ҳокими Бахтиёр Шомуротов август ойининг бошида лавозимидан озод этилганди.
Аввалроқ Бектемир тумани ҳокими Шоҳрух Мамажонов ва Яшнобод тумани ҳокими Ҳожиакбар Тиллашайхов лавозимларидан озод этилгани ҳақида хабар берилганди.
Изоҳ (0)