Ўзбекистон халқ артисти Дилбар Икромова вафот этди

Ўзбек театр ва кино мухлисларининг севимли актрисаларидан бири Ўзбекистон халқ артисти Дилбар Икромова 25 август куни 73 ёшида вафот этди.

Дилбар Икромова 1947 йилнинг 17 июлида Тошкент вилоятининг Бекобод туманида туғилган. У 1970 йилда Тошкент театр ва рассомлик санъати институтини тугатган. Ўша йилда собиқ Хамза, ҳозирги ўзбек миллий академик драма театрига ишга кирган. «Ой тутилган тунда» (М. Карим) спектаклидаги Зубаржат актрисанинг саҳнада яратган илк образидир.

Дилбар Икромова Озода («Имон»), Дилором («Олтин девор»), Феокла Ивановна («Уйланиш»), Роллер («Қароқчилар»), Момо («Чимилдиқ») каби роллари билан шуҳрат қозонган.

Актриса «Келинлар қўзғолони», «Чаёнгул», «Шариф ва Маъриф», «Чимилдиқ» каби бадиий фильмларда ҳам эсда қоларли образларни яратган эди.