Актёр ва режиссёр Алишер Узоқов «Дарё» интернет-нашрига эксклюзив интервью берди. Интервьюни журналист Феруз Муҳаммад ташкиллаштирди.
«Илҳақ» тарихий фильмининг фото ва видео синовларида актёр Алишер Узоқов фильмдаги Исоқжон образи учун омадини синаб кўрган эди. Фильмдаги ушбу роль актёр Илҳом Содиқовга насиб этди.
Суҳбат давомида Алишер Узоқов «Илҳақ» тарихий фильми ва ушбу фильм кастингидан ўта олмаганига қуйидагича муносабат билдирди.
‘Илҳақ’ — зўр кино. Менга энг ёққан тарафи, шу кинога мени олишмаганлиги. Энг тўғри қарор. Мени олмагандан хафа бўлмаганман, чунки мен ҳам режиссёрман. Жаҳонгир ижоди учун ҳеч қачон пора олиб, ёки таниш билишчилик қилмайди. У тўғри йўлни танлайди, принципи бор. 15 та киносида ўйнаб, биттасида ўйнамасам хафа бўлишим керакми?Маълумот учун, «Илҳақ» фильми «Ўзбеккино» буюртмасига биноан «Эзгу фильм» киностудияси томонидан суратга олинган. «Илҳақ» тарихий фильмининг сценарийси Жаҳонгир Аҳмедов ҳамда Ҳасан Тошхўжаев томонидан ёзилган. Фильм оператор Жаҳонгир Ибрагимов, рассом Баҳриддин Шамсуддинов, либос Зуҳра Ғаниева, гримм Зилола Собирова, продюсер Зафар Йўлдошев томонидан суратга олинган.Мен фото ва видео синов топширгандим. Олинмаганим яхши бўлибди. Чунки ўйнаган актёрларнинг ҳаммаси зўр, ўз ўрнида. Маза қилиб кўрдик, ажойиб фильм.
Фильмни кўриб йиғламадим, лекин кўп жойлари қаттиқ таъсир қилди. Кинокартина зўр, оператор Жаҳонгир Ибрагимов (Ёхан), офарин. Ижодий гуруҳ жуда яхши ишлаган. Картинка ранглари ёқди менга. Умуман, кинонинг ранги ёқди, рассомлар, объектлар, актёр-актрисалар ҳаммаси зўр, жой-жойида. Бу режиссёрнинг ютуғидир.
Алишер Узоқов, актёр ва режиссёр
Изоҳ (0)