2 сентябрь, чоршанба куни бошланадиган 2020/2021-ўқув йили учун кириш имтиҳонлари доирасида Тошкент шаҳри ҳудудида имтиҳон топширадиган абитуриентлар учун махсус автобуслар ташкил этилмайди. Бу ҳақда Тошкент шаҳар ҳокимлиги томонидан пойтахтдаги тест синовлари ўтказиладиган жойлар ва абитуриентларга яратилган шароитлар билан таништириш мақсадида ташкил этилган пресс-тур вақтида Олмазор тумани ҳокими ўринбосари Ҳусниддин Мамадиев томонидан маълум қилинди.
Бу Жисмоний тарбия ва спорт вазирлигига тегишли маълумот ҳисобланади. Ушбу вазирликнинг Бўстонлиқ туманида ўтказиладиган тоғ-чанғиси каби махсус имтиҳонлари бор. Шу каби йўналишларда имтиҳон топширадиган абитуриентлар учун ҳокимликларга транспорт масаласи ўртага қўйилган. Бу дегани, фақат Тошкент шаҳридан ташқарида бўладиган имтиҳонлар учун транспорт таъминлаб бериш масаласи назарда тутилган. Ҳамма Тошкент шаҳрида имтиҳон топширадиган абитуриентларга транспорт қилиб берилади, дегани эмас. Фақатгина жисмоний тарбия, спортга ихтисослаштирилган олий ўқув юртлари абитуриентлари учун ташкил этилади.Аввалроқ Давлат тест маркази бошқарма бошлиғи Диёрбек Қўчқоров ҳудудларда туман ҳокимликлари томонидан абитуриентлар учун транспорт ташкил қилиш чоралари кўрилаётганини маълум қилган. Эслатиб ўтамиз, бу йилги имтиҳонларда абитуриентлар 2 та фандан тест ечади, тест саволлари осонлаштирилади, абитуриентларга антисептик воситалар, қўлқоп, ниқоб, бош кийим бепул берилади, сиртқи таълимга ҳужжат топширган абитуриентлар учун ҳам имтиҳонлар 2 сентябрдан бошланади.Ҳусниддин Мамадиев, Олмазор тумани ҳокимининг ёшлар сиёсати, ижтимоий ривожлантириш, маънавий-марифий ишлар бўйича ўринбосари
Изоҳ (0)