Гоҳида хоналардан келаётган нохуш ҳидлар одамнинг кайфиятига таъсир этади. Албатта, буни бартраф этишнинг бир қанча усуллари бор. Ҳар ким ўзи учун қулай бўлган тавсияни амалда қўллаши мумкин.
Зираворлар
Сувга бир нечта чиннигул, апельсин пўстлоғи, бир чимдим долчин ва занжабил солиб, бир муддат қайнатилади. Бу ифор хонани тўлдиради ва бир неча кун давомида кайфиятни кўтаради.
Сирка
Сирка кислотаси ёқимсиз ҳидларни мукаммал даражада йўқ қилади. Шунчаки сиркани идишларга солиб, хонанинг бир неча бурчакларига қўйиш кифоя. Хонадан тамаки ҳидини йўқотиш учун эса сирка эритмасига сочиқни бостириб, хона бўйлаб сочиқни силкитиш керак.
Сода
Ичимлик содаси ёрдамида ёғоч ёки пластмассадан ясалган сабзи тахтадаги ҳиддан осонгина халос бўлиш мумкин. Тахтанинг юзасига содали эритма қуйиб, сўнг иссиқ сув билан ювиб, яримта лимон бўлаги билан артиш лозим.
Лимон
Лимонли аралашма ёрдамида микротўлқинли печни тозалаш мумкин. Бунинг учун бир стакан сувга 2 чой қошиқ лимон шарбати қўшилади ва 10 дақиқага печга қўйилади. Вақти тугагандан сўнг яна 10 дақиқага қолдирилади. Аралашмада намланмаган латта билан печнинг ичи артилади.
Ванил
Музлаткич ичидаги нохуш ҳидни йўқотиш учун бир бўлак пахтага ванил кукуни сепилади ёки майдаланган қаҳва солинган идиш қўйилади. Шу йўл билан ёқимсиз ҳиддан халос бўлиш мумкин.
Туз
Куюнди ва тутуннинг ҳидини йўқ қилишда туздан бошқа восита ёрдам бермайди. Куйган идишга туз сепилади ва совимагунча сув қуйилмайди.
Хушбўй халтача
Агар нейлон матоли калготкалар йиртилган бўлса, ташлашга шошмаслик зарур. Уларнинг икки учи тугилиб, ўртасига эфир мойи билан намланган пахта ёки ўсимликларга тўлдириб, илиб қўйиш керак. Шунда ундан ажойиб ифор таралади.
Уй ўсимликлари
Тувак гуллари ҳамда ўсимликлар хонанинг чанг ва нохуш ҳидларини ўз-ўзидан бартараф этади. Айниқса, уйда бамбук, алоэ ва азали ўстириш айни муддао.
Изоҳ (0)