Инсон маълум вақт давомида бирор ишни такрорлайверса, кейинчалик у одатга айланади. Уйқудан эрта уйғониш ҳам худди шундай. Соат 5:00 да уйғониш, гарчи бошқа юмушлар бўлмаса ҳам инсонни ўз устида ишлашига ёрдам беради.
Иш, хобби ва спорт билан шуғулланиш учун бўш вақт
Мунтазам равишда эрта уйғонишнинг энг фойдали жиҳати шуки, кун давомида 10-15 соат қўшимча вақт бўлади. Бу, албатта, инсоннинг ўзига сарфланади. Тоза ҳавода сайр, бадиий китоб мутолааси, чет тилини ўрганиш ёки бошқа бирор севимли машғулотга вақт топилади.
Барвақт уйғониш соғлик учун фойдали
Тонг саҳардан уйғониш уйқу, мия фаолияти ва организм саломатлиги учун жуда муҳим. Мутахассислар фикрига кўра, ярим туннинг 90 дақиқа аввали танани қайта тиклаш учун энг самарали вақт ҳисобланади. Қуёш чиқиши ва ботиши пайтида мияда биологик жараён юз бераётган бўлади. Шу сабабли ҳам тонг отаётган пайтда уйғониш энг яхши усул. Бу пайтда тананинг ҳам уйғониши қийин кечмайди.
Вақтни сукунатда ўтказиш имконияти
Тонгги 5:00 да иш куни бошланмаган, шаҳар ҳали уйғонмаган бўлади. Бу пайтдаги осудаликдан жимгина баҳра олиш зарур. Айниқса, медитация қилиш учун ажойиб вақт. Диққатни жамлаш, танани тинглаш мумкин. Эрталабки машқлар стресс даражасини камайтиришга ва куни билан чарчоқни олдини олишга ёрдам беради.
Машқлардан куч олиш
Ирода – кутилмаган муаммоларга дош бера олишнинг кўрсаткичидир. Инсон қанчалар жисмонан тетик ва чиниққан бўлса, ички дунёсининг кучи ҳам шунчалар ортиб бораверади. Эрта уйғониш эса ана шу босқичга кўтарилишнинг яна бир усули. Бу орқали одам ўзини ўзи бошқаришни бошлайди.
Ўзига бўлган ишонч
Тонгда уйғониш ва кунни самарали ишлар бошлаш – бу инсонни ўзига бўлган ишончини оширадиган кичик ғалаба. Янги мақсадларга эришишда инсон ўзи билан фахрланиш ҳуқуқларига эга. Бунинг ёрдамида кайфият яхшиланади, кун давомида тетиклик ва қувват манбайи ҳосил бўлади. Шу билан бирга, ҳаёт сифатини оширувчи соғлом одат юзага келади.
Изоҳ (0)