Кунгабоқар писталари ҳамма учун таниш ва севимли маҳсулот. Кўпинча улар алоҳида егулик сифатида истеъмол қилинади, шунингдек, пишириқ ва ширинликларда ҳам ундан унумли фойдаланилади. Хусусиятига кўра, ушбу ўсимлик оқсил, ёғлар, фойдали витамин ва минералларга бой. Лекин қандай қилиб писта магизлари вазн ташлашда ёрдам бериши мумкин, деган саволлар пайдо бўлиши мумкин, ҳозир бу ҳақда батафсил маълумот олиш мумкин.
Очлик билан курашишда ёрдам беради
Кунбоқар писталари жуда тўйимли маҳсулот. Унинг таркибида протеин (оқсил моддалар) ва организм учун зарур бўлган 21 хил витамин ва минераллар мавжуд. Шунингдек, 28 грамм пистада кунлик Э витаминининг 49 фоизи мавжуд. Натижада писталар ошқозонни тўқлик туйғуси билан таъминлайди, очлик билан курашишда самарали ёрдам беради. Бу эса овқатланиш жараёнида камроқ егулик истеъмол қилишга ёрдам беради.
Мушак массасини тўплашга ёрдам беради
Сўнгги тадқиқотлар шуни кўрсатдики, танасида мушак массаси юқори бўлган одамлар ҳатто дам олаётганида ҳам кўпроқ калория сарфлайди, яъни тезроқ вазн ташлайди. Кам калорияли парҳезда эса ташланган вазннинг 35 фоизини мушаклар массаси ташкил этади. Шунинг учун вазн йўқотганда мушакларнинг ҳолатини яхши сақлаб қолиш учун кўпроқ протеин (оқсил моддалар) қабул қилиш керак. Бунда кунгабоқар писталари, албатта, ёрдам беради. Масалан, маҳсулотнинг 10 граммида 2 грамм протеин моддаси мавжуд. Демак, кунлик протеин миқдорига эга бўлиш учун салатларга ҳам кунгабоқар пистасини қўшиш мумкин.
Парҳезга риоя қилишда ёрдам беради
Муваффақиятли парҳез — танаффусларсиз ўтадиган парҳездир. Буни амалга ошириш қийин, лекин кунгабоқар писталари билан анча осон. Уларда бир қанча фойдали сертолалар мавжуд бўлиб, қабул қилингандан сўнг организмга жойлашади. Бу эса яна очлик ҳиссини камайтиради. Шунинг учун ушбу маҳсулот қўшилган таом фақат фойдага хизмат қилади.
Кунгабоқар писталарини ўзини алоҳида, ширинликлар таркибида, салатлар билан бирга ёки бошқа ёнғоқларга аралаштириб истеъмол қилинса, кун давомида қўшимча куч ва қувват беради. Эътиборли жиҳати шуки, унинг таркиби жуда кўп ёғ ва витаминларга бой. Пистанинг бир ҳовучида эса организм учун етарли калория бор, кун давомида шу меъёрни оширмаслик тавсия этилади.
Изоҳ (0)